నా మాతృసంస్థ ఏఐఎస్ఎఫ్ కి నేను ఎంతో రుణపడి ఉన్నాను. ప్రపంచం, అంతర్జాతీయ వర్గ పోరాటాలు మరియు వివిధ దేశాలలో విజయవంతమైన విప్లవోద్యమాల చరిత్రపై అవగాహనను ఏఐఎస్ఎఫ్ నాకు కల్పించింది. 1985 – 90 మధ్య కాలంలో, ప్రపంచంలో మూడింట ఒక వంతు ప్రాంతంలో కమ్యూనిస్టులు అధికారంలో ఉన్న సోషలిస్టు దేశాలను సందర్శించే మరియు అక్కడ నిర్మితమవుతున్న నూతన సమాజాలను ప్రత్యక్షంగా చూసే అమూల్యమైన అవకాశాన్ని ఏఐఎస్ఎఫ్ నాకు అందించింది. మార్క్సిజం – లెనినిజం భావజాల దృక్పథంతో మానవ సమాజ పరిణామాన్ని అర్థం చేసుకునే సామాజిక స్పృహను ఏఐఎస్ఎఫ్ నాలో పెంపొందించింది. ఒక చిన్న గ్రామంలో జన్మించిన నన్ను నా చుట్టూ ఉన్న సమాజంలో కాస్త గుర్తింపు పొందిన వ్యక్తిగా నిలబెట్టి, నా వ్యక్తిత్వాన్ని తీర్చిదిద్దిన సంస్థ ఏఐఎస్ఎఫ్. ఏఐఎస్ఎఫ్ 90వ వార్షికోత్సవ వేడుకలకు నన్ను ఆహ్వానిస్తూ కామ్రేడ్ వీరేంద్ర కుమార్ (ప్రస్తుత AISF అధ్యక్షుడు) మరియు కామ్రేడ్ దినేష్ (ప్రధాన కార్యదర్శి) లేఖ రాయడమే కాకుండా, ఫోన్ చేసి స్వయంగా ఆహ్వానించారు. అలాగే, ఏఐఎస్ఎఫ్ ఉద్యమంలో నా అనుభవాలపై ఒక వ్యాసం రాసి పంపమని కోరారు. నేను ఆంగ్లంలో రాసి వారికి పంపిన ఆ వ్యాసం యొక్క తెలుగు అనువాదాన్ని నా ఉద్యమ సహచరులకు, ఏఐఎస్ఎఫ్ శ్రేణులకు మరియు ఉద్యమ శ్రేయోభిలాషులకు “షేర్” చేస్తున్నా.
